Патрапіць у памяшканні трэцяга паверху можна было па лесвіцы з сенцаў другога паверху. На гэтым участку лесвіца таксама мела "желтокрашенные" парэнчы і налічвала 19 прыступак. Сенцы трэцяга паверху мелі паркетную падлогу, скляпеністая столь і два акна па 6 шклоў. З сенц вялі дзверы ў першы пакойчык з дашчанаю падлогай, атынкаванымі сценамі і столлю (якія мелі карніз), "физической" печкай.

Пакой меў выхад праз дзве"полустеклянные" дзверы на вялікі балкон, на якім шэсць круглых драўляных оштукатеренных слупоў падтрымлівалі балкі страхі будынка. Парэнчы балкона былі чыгунныя, падолга - драўляная, "выложенный железною жестью, выкрашенной черной масляной краской". Адны дзверы з першага пакоя вялі "под чердак второго этажа", іншыя дзверы - у другі пакой, у якой падлога, столь і сцены не адрозніваліся ў афармленні ад папярэдняга пакоя, стаяла такая жа печка. Гэты пакой таксама мела выхад, "на тот же балкон", што і першы пакой, праз падвойныя напалову шкляныя дзверы (па 6 шклоў у кожнай). Трэцяя "малая комната", якая мела ўваход з другой, адрознівалася ад двух папярэдніх адным невялікім вузкім акном. Гэты пакой меў злучэнне з першым пакоем пасродкам адзінарнай "филинговой" дзверы.

Затым інвентар апісаў цокальныя памяшканні будынка.

Пад хатай у " каменном довольно возвышенном посаде" нахадзіўся значны лік дапаможных памяшканняў рознага прызначэння: " небольшой чуланчик" (пад "Цветочной залой") з трубамі калорифера для апалу залы, цэлы шэраг " погребальных комнат", "длинный чулан" для дроў (пад " Задним крыльцом"). У самім канцы апісання будынка згадаюць " ход вокруг целого дома", які знаходзіўся па левым боку ад "длинного чулана". Гэты ход быў " разделен на многие части посадом, углубленным в землю для укрепления тяжести взведенного строения".

На гэтым апісанне памяшканняў сканчаецца. Будынак у агульнай складанасці меў 23 пакоі (не лічачы дапаможных). Апроч гэтага, тры пакоі нахадзілася ў вежы (на кожным ярусе па пакоі, не лічачы ніжнюю частку яе, дзе размяшаліся сеткі з вешалкай). Вокны ў пакоях былі розныя па форме і памерам: ад вузкіх у 3 шклы да вялікіх " венецианских". Будынак меў тры балкона (у.т. л. адзін на першым ярусе вежы), чатыры выхады. Правае і левае крыло "палаца" мела злучэнне паміж сабою доўгім калідорам. У кожным крыле мелася лесвіца. Акрамя гэтага, інвентар згадвае шрубавую лесвіцу на першым і другім паверсе левага крыла будынка, і такую жа лесвіцу ў вежы.

Як бачна, у прыведзеным інвентары не згаданая аднапавярховая прыбудова да поўнача-заходняму тарцу "палаца" - яе будаўніцтва ставіцца да першай паловы ХХ у. У астатнім, ва ўнутраным і знешнім выглядзе будынка за мінулы час істотных змен не адбылося.